Masu Garkuwa Da Mutane Sun Kashe Shugaban Kungiyar Fityanul Islam Na Karamar Hukumar Jama'a Jihar Kaduna

Ibrahim Auwal | May 26, 2019 | 0 Comments

Masu Garkuwa Da Mutane Sun Kashe Shugaban Kungiyar Fityanul Islam Na Karamar Hukumar Jama'a Jihar Kaduna

INNA LILLAHI WA INNA ILAIHI RAJI'UN 
Yanzu muka samu labarin cewa an tsinci gawar Shugaban Kungiyar Fityanul Islam na karamar hukumar Jama'a dake jihar Kaduna. 


Dama tun makonni biyar da suka gabata wasu mutane wadanda ake tasamanin masu garkuwa da mutane ne suka yi garkuwa da shi, mun samu labarin an tsinci gawar shi a safiyar yau. 

Muna mika ta'aziyya a madadin kungiyan fityanul Islam gaba daya.

Allah ya jikansa ha gafara masa yasa aljanna ce makomarsa, su kuma wadannan miyagun Allah ya tona asirinsu, amin.
Rariya.

Kalli Umar M. Shariff da mahaifiyarshi sunje aikin Umrah

Ibrahim Auwal | May 26, 2019 | 0 Comments

Kalli Umar M. Shariff da mahaifiyarshi sunje aikin Umrah

Tauraron mawakin Hausa kuma jarumi a fina-finan Hausa, Umar M. Shariff kenan a wannan  hoton inda yake tare da mahaifiyarshi da suka je aikin Umrah tare.

Kayatattun hotunan A'isha Tsamiya daga Saudiyya

Ibrahim Auwal | May 26, 2019 | 0 Comments

Kayatattun hotunan A'isha Tsamiya daga Saudiyya

Tauraruwar fina-finan Hausa, A'isha Tsamiya kenan a wadannan hotunan nata data dauka a ksa me tsarki inda taje aikin Umrah, tasha kyau, tubarkallah, muna mata fatan Alheri.




AISHA BUHARI TA SOKI GWAMNATIN SHUGABA BUHARI

Ibrahim Auwal | May 26, 2019 | 0 Comments
Uwargidan shugaban kasa, Aisha Buhari, ta ce shirin bayar da tallafi na gwamnati (SIP) da Uwargida Maryam Uwais, mai taimaka wa shugaban kasa a kan shirin tallafi, ke jagoranta, ya gaza a yankin arewa.


Da take magana ranar Asabar yayin wani taro da aka yi a fadar shugaban kasa, Aisha Buhari ta ce an fada mata cewar kimanin mata 30,000 ne daga jihar Adamawa zasu ci moriyar shirin amma sai gashi hakan ta gaza yiwuwa.

Da take magana a kan Uwargida Maryam, Aisha Buhari ta bayyana cewar an ba ta mukamin ne tun farko domin saka wa Kanawa a kan miliyoyin kuri'un da suka zazzaga wa mijinta a zaben shekarar 2015

'Yar asalin jihar Kano, Uwargida Maryam, mata ce ga tsohon alkalin alkalan Najeriya, Jastis Mohammed Lawal Uwais.

"Biliyan N500 da gwamnati ta ware wa shirin SIP na daga cikin alkawuran da jam'iyyar APC tayi na ciyar da dalibai a makarantun firamare da bawa mutanen da talauci ya dama tallafin N5000 duk wata.

"Mai taimaka wa miji na a kan shirin macece 'ya asalin Kano, wacce na tabbata ya bata mukamin ne domin saka wa mutanen Kano a kan kuri'un da suka bashi a zaben shekarar 2015. Ban taba tambayar yadda ake amfani da kudin da gwamnati ta ware ba.

"Na taba haduwa da daya daga cikin hadiman jagoran shirin SIP wanda ya yi min alkawarin cewar za a ke bawa mata 30,000 N10,000 kowanne wata, amma har yau ba a yi hakan ba kuma ban kara ji daga gare shi ba," a cewar uwargidan ta shugaban kasa.

"Ba zan yi magana mai tsawo ba don kar a ce ina sukar gwamnati ko na cika surutu amma ni na san alkawarin da muka daukar wa jama'a shine za ake bawa talakawa futik tallafin N5,000 kowanne wata amma sai gashi da na je Kano naga wani dattijo da ke sayar da kayayyaki da yace jarinsa bai fi 3,000 zuwa 4,000 ba.

"Ban san a wanne wuri shirin ya yi tasiri ba amma dai a arewa, musamman a jihar Adamawa, shirin bayar da tallafin bai amfani jama'a ba. Karamar hukuma daya ce a cikin 22 ta ci moriyar shirin. Hatta a jihar Kano shirin bai tabuka komai saboda mata dake kananan sana'o'i basu samu tallafin komai ba," a cewar Aisha Buhari.
Rariya

a kasar Nigeria aka haifeni-Atiku ya gayawa y'an adawa

Ibrahim Auwal | April 22, 2019 | 0 Comments
                                 atiku
Dan takarar shugaban kasa na jam'iyyar PDP,Atiku Abubakar ya mayarwa jam'iyyar APC martani akan cewa da suka yi asalinshi ba dan Najeriya bane, Atiku yace a Najeriya aka haifeshi.
A wata sanarwa da ya fitar Atiku yace an haifeshi a November 25, 1946, a Jada dake jihar Adamawa kuma mahaifinshi, Garba Atiku Abdulkadir dan asalin jihar Sakkwato ne sannan mahaifiyarshi, A'isha Kande 'yar Asalin jihar Jigawace dan haka shi dan Najeriyane kuma ya cancanci yin takarar shugaban kasa.

Ronaldo ya warke, zai buga wasan Juventus da Ajax

Ibrahim Auwal | April 04, 2019 | 0 Comments
            

Rahotanni na nuna cewa tauraron dan kwallon kafar kasar Portugal me bugawa kungiyar Juventus wasa, Cristiano Robaldo ya warke daga ciwon da ya ji kuma zai samu buga wasan Juve din da Ajax.





Marca ya ruwaito cewa Ronaldo yanzu ya warware kuma zai iya buga wasan da Juve zata yi da Ajax na gasar cin kofin Champions League, sakamakon gwajin da akawa Ronaldo dai da farko ya nuna cewa yana fama da mummunan ciwo da zai sa bazai buga duka wasannin da Juven zata buga da Ajax ba amma yanzu gashi an samu sabon rahoto.

Juventus dai na da wasa da AC Milan amma ga dukkan alamu Ronaldon bazai buga wasan ba dan gudun kada ya sake samun wani ciwon, za'a ajiyeshi sai wasansu da Ajax

Siyasar kano: Wankin hula ya kusa kai Ganduje dare

Ibrahim Auwal | April 04, 2019 | 0 Comments
Gwamna Ganduje da Abba kabir
Image captionBa a iya bayyana wanda ya lashe zaben na Kano ba har sai da aka shiga zagaye na biyu
Masu iya magana na cewa siyasar Kano sai Kano, kuma a ko da yaushe ta kan zo da wani abu sabo, kamar yadda a bana salon Abba gida-gida da makamantansa suka hadu a yunkurin 'yan hamayya na kifar da jam'iyyar APC mai mulki.
Masu sharhi da dama sun yi hasashen Gwamna Abdullahi Umar Ganduje zai samu wa'adi na biyu cikin sauki ganin yadda rikici ya dabaibaye jam'iyyar adawa ta PDP da kuma tsagin Kwankwasiyya wadanda su ne manyan masu adawa da gwamnan karkashin jagorancin mutumin da ya gada Sanata Rabi'u Musa Kwankwaso.
Amma sai ga wankin hula ya kai APC da Ganduje dare, inda aka tafi zagaye na biyu, kuma PDP ta kasance a gaba da ratar kuri'a 26,655. Kafin daga bisani INEC ta bayyana APC a matsayin waccee ta lashe zagaye na biyun da tazarar kuri'a 8,982 jumulla. Masu sa'ido na gida da waje sun yi Allah-wadai da yadda karashen zaben ya gudana, inda suka ce an yi amfani da 'yan daba da jami'an tsaro wurin muzgunawa da hana 'yan adawa kada kuri'a, da kuma aringizon kuri'u, zargin da APC da INEC da 'yan sanda suka musanta.Sai dai jam'iyyar PDP ta ce za ta bi kadun batun a kotu, kuma masu iya magana na cewa shari'a kamar mace ce mai ciki wadda ba a san me za ta haifa ba sai an gani tukunna, a don haka komai zai iya faruwa.Ko ma dai ya ta kaya a kotun, a zahiri take cewa kawo yanzu Ganduje ya sha da kyar, abin da Hausawa ke cewa ya fi da "kyar aka kamani". Ga wasu daga cikin abubuwan da suka jawo wa gwamnan matsala a zaben har suka kai ga tasirin Abba K Yusuf da jam'iyyar PDP:

Gandollar

Duk da cewa ya samu kuri'u da dama lokacin da ya lashe zabe a karon farko a 2015, Ganduje ya fara bakin jini a idon wasu 'yan jihar jim kadan bayan hawansa mulki.
Hakan dai ba zai rasa nasaba da rikicin siyasar da ya barke tsakaninsa da mutumin da ya gada Sanata Kwankwaso tun kafin a je ko'ina, da kuma zargin cewa matarsa da aka fi sani da 'Goggo" tana tasiri matuka a harkokin mulkin jihar.

ATIKU: Abin da yasa nake kalubalantar nasarar da Buhari yayi

Ibrahim Auwal | February 28, 2019 | 0 Comments

ATIKU: Abin da yasa nake kalubalantar nasarar da Buhari yayi

Dan takarar zaben shugaban kasa Atiku Abbakar wanda ya zo na biyu, ya bayyana dalilan sa na kalubalantar zaben da INEC ta ce Shugaba Muhammadu Buhari ne ya yi nasara.


Atiku ya rasa kujerar ta shugaban kasa ne, bayan da Buhari ya ba shi tazarar kuri’u sama da miliyan uku.

Tuni dai tun jiya INEC ta mika wa Shugaba Buhari da Mataimakin sa Yemi Osinbajo takardar shaidar cin zabe jiya Laraba.

Sai dai kuma Atiku ya ce ba zai taya Buhari murna ba, kuma ya kira zaben da cewa fashi da sata ce karara aka yi wa jama’a, na abin da ra’ayin su ya zabar musu.

A taron manema labarai da ya kira, Atiku ya buga misali da Akwa Ibom, ya ce tashinn farko akwai alamomin tambaya dangane da yadda aka samu raguwar wadanda suka yi zabe har zuwa kashi 62 bisa 100, duk kuwa da cewa wadanda suka yi rajista sun zarce wadanda suka yi a 2015.

Ya ce irin wannan tuggun aka kitsa a jihohi kamar Ribas, Delta, Abia da Benuwai.

Atiku ya yi mamakin yadda kashi 82 na wadanda suka yi rajista wai aka ce duk sun fito. Ya kara da cewa haka aka yi a yankuna da dama inda APC ta ke da magoya baya sosai.

Ya yi mamakin duk da matsalar tsaro a cikin jihar, amma a ce an jefa kashi 82 bisa 100 na adadin kuri’un wadanda suka yanki rajista.

Ya kara da cewa bai kuma yarda da sakamakon da ya nuna adadin kuri’un da PDP ta samu a Fadar Gwamnatin Tarayya, Kudu Maso Gabas da Kudu masu Kudu.

“Ba wai ina magana don na yi takarar shugaban kasa ba. Ni ina magana ne a matsayi nan a dan Najeriya, saboda duk wanda ya yi nazarin zaben nan da idon basira zai fahimci cewa babu yadda za a yi ace APC ta samu yawan wadannan kuri’u.

“A kan wasu dalilai da kuma wadannan da na bayyana ne na ke cewa ni Atiku Abubakar ban amince da sakamakon da INEC ta bayyana Muhammadu Buhari a matsayin wanda ya yi nasara ba.”

Ya yi kira ga magoya bayan sa su dau hakuri, domin ya na da yakinin cewa nasara a gare shi ta ke.
Premiumtimeshausa.

[Next Level] : Munshiga Next Level By Rarara New Song

Ibrahim Auwal | February 27, 2019 | 0 Comments

Kalli yanda Maryam Yahaya ta kada kuri'arta

Ibrahim Auwal | February 24, 2019 | 0 Comments

       Kalli yanda Maryam Yahaya ta kada kuri'arta

Jarumar fina-finan Hausa, Maryam Yahaya kenan a wadannan hotunan inda take akan layin zabe, Jiya, Asabar, ta bayyana cewa ta sakawa jam'iyyarta sannan ta ce 4+4.

              

Buratai ya jagoranci tattakin soji

Ibrahim Auwal | February 23, 2019 | 0 Comments
Shugaban rundunar sojin Najeriya, janar Tukur Yusuf Buratai kenan a wadannan hotunan yayin da ya jagoranci tattakin da sojoji suka yi da safiyar yau.



Zaben Najeriya: Za a yi ta ta kare tsakanin Atiku da Buhari

Ibrahim Auwal | February 23, 2019 | 0 Comments
'Yan Najeriya na shirin kada kuri'a don zaben shugabannin da za su ja ragamar kasar a matakin shugaban kasa da na 'yan majalisun dokoki.


Misalin karfe 8:00 na safiyar Asabar agogon Najeriya ake sa ran bude rumfunan babban zaben wanda aka dage tsawon mako daya saboda matsaloli da suka shafi raba kayan zabe a sassan kasar.

'Yan takara sama da 70 ne ke neman darewa kujerar shugaban kasa a zaben, amma Shugaba Muhammadu Buhari na APC mai shekara 76, da abokin hamayyarsa Atiku Abubakar na PDP, mai shekara 72 ne suka fi jan hankali a zaben.

Buhari ya ce ba zai fadi zabe ba

Ibrahim Auwal | February 23, 2019 | 0 Comments

Buhari ya ce ba zai fadi zabe ba
Ku latsa alamar lasifika domin sauraren muryar Shugaba Buhari
Shugaban Najeriya Muhammadu Buhari ya ce babu makawa shi ne zai lashe zaben shugaban kasar.
Da yake amsa tambayar wakilin BBC kan ko zai amince idan ya sha kaye, sai ya ce "ni zan ci zabe."
Shugaba Buhari ya kada kuri'arsa ce a birnin Daura da ke jihar Katsina tare ds mai dakinsa Aisha Buhari da rakiyar wasu jami'an gwamnatinsa.
Sai dai abokin hamayyarsa na jam'iyyar PDP, Alhaji Atiku Abubakar, ya ce a matsayinsa na mai kare mulkin dimokradiyya zai yi biyayya ga sakamakon zaben kasar.
Wasu hotuna sun nuna yadda Shugaba Buhari ya kada kuri'a inda ya zabi kansa.
Mai daukar hoto na kamfanin dillancin labaran Reuters ya dauki hotunan takardun kada kuri'ar Buhari, wadanda suka nuna cewa ya zabi kansa.
BuhariHakkin mallakar hotoREUTERS
Hukumar zaben Najeriya dai tana ba da shawara kada masu kada kuri'a su bayyana wanda suka zaba, saboda hakan ya saba tsarin tarbiyyar dimokradiyya.

Hare-hare

Sa'o'i biyu kafin bude rumfunan zabe ranar Asabar, al'ummar Maiduguri, babban birnin jihar Borno da ke arewa maso gabashin kasar sun ce sun ji fashewar bama-bamai da harbe-harben bindiga.
A wata sanarwa, 'yan sandan jihar sun ce babu wata barazana ga jama'a. "Jami'an tsaro ne suka yi harbe-harben domin tauna tsakuwa," in ji sanarwar.
Jihar Borno dai ta kasance cibiyar mayakan Boko Haram wadda ta yi shirin ganin ba a gudanar da zaben ba.
Kamfanin dillanci labarai na Reuters ya rawaito cewa wasu da ake kyautata zaton 'yan kungiyar ne sun kai hari garin Geidam, inda suka tilasta wa jama'ar garin ficewa daga garin.

Me ya sa aka dage zabe?

Sa'o'i biyar kafin bude rumfunan zabe ne dai a ranar Asabar ta 16 ga Fabrairu hukumar zaben Najeria ta sanar da dage zaben.
Hukumar ta bayar da dalilan da suka janyo dage zaben da suka hada da yunkurin yin magudi da rashin kai kayan aiki mazabu da kuma rashin kyawun yanayi.
Yanzu hukumar ta INEC ta ce ta shirya tsaf domin tafiyar da zaben.
Wannan Layi ne

Yadda zaben yake?

Duk dan takarar da ya samu kuri'un da suka fi yawa, idan dai har ya samu kaso 25 na kuri'un da aka kada a jihohi 24 daga jihohi 36 na kasar.
'Yan takara 73 ne suke neman kujerar shugabancin kasar amma fafatawar ta fi zafi tsakanin 'yan takarar jam'iyyu biyu.
Taken Jam'iyyar shugaba mai ci, Muhammadu Buhari shi ne 'Next Level' wato kai Najeriya zuwa matakin ci gaba.
Ita kuma jam'iyyar adawa ta PDP wadda tsohon mataimakin shugaban kasar, Alhaji Atiku Abubakar yake takara na da taken 'to get Nigeria working again', abin da ke nufin jam'iyyar za ta dawo wa najeriyar hayyacinta.
Atiku Abubakar ya kalubalanci Shugaba Buhari da lalata shekaru hudun da ya kwashe a kan karaga.
Dukkanin 'yan takarar guda biyu dai sun fito daga yankin arewacin kasar mai yawan musulmai. Kuma dukkanninsu sun wuce shekara 70 da haihuwa.

Matsalolin Najeriya

Najeriya ce dai kasa mafi girma a yawan jama'a da kuma yawan albarkatun man fetur. To sai dai rashawa da cin hanci da kuma gaza zuba rarar da ake samu daga sayar da man a kasuwar duniya ne ke tarnaki ga cigaban kasar.
A 2016, kasar ta samu komadar tattalin arziki. An kuma samu jan kafa kafin kasar ta samu ta farfado, al'amarin da ke nuni da cewa ba a samar da isassun ayyukan yi ga miliyoyin matasan kasar da ke neman aiki ba.
Za a iya cewa kaso daya bisa hudu na matasan kasar ba su da abun yi.
Wannan Layi ne
Alkaluman masu zabe
•Yan takarar shugaban kasa guda 73
•Masu katin zabe miliyan 73
•Kaso 51 da masu kati 'yan kasa da shekara 35
•Akwai rumfunan zabe dubu 120a fadin kasar.
.......
BuhariHakkin mallakar hotoREUTERS
Shugaba Buhari ya ce ya murkushe kungiyar Boko Haram a arewa maso gabashin kasar, to sai dai har yanzu kungiyar na da karfi.
Sannan kuma ana ta yawan samun rikici tsakanin manoma da makiyaya a yankin arewa maso tsakiyar kasar.
Najeriya dai ta fuskanci mulkin soji har zuwa 1999, duk da cewa an samu gwamnatocin dimokradiyya wadanda ba su yi tsawon rai ba kafin nan.
A bana kasar ke cika shekara 20 da dawo wa turbar dimokradiyya.
A 2015 ne aka zabi shugaba Buhari, lokacin da kasar ta kafa tarihi, inda dan takarar jam'iyyar adawa ya kayar da shugaba mai ci.

'Yan sanda ke tsaron rumfar zabe ba sojoji ba>>INEC

Ibrahim Auwal | February 21, 2019 | 0 Comments
Hukumar zaben Najeriya INEC ta ce 'yan sanda ne ke da hakkin kula da rumfunan zabe ba sojoji ba.


Shugaban hukumar INEC ne Farfesa Mahmood Yakubu ya bayyana haka a lokacin yake bayani kan shirin zabe da kuma amsa tambayoyi a ranar Alhamis.

An tambayi shugaban INEC ne kan irin rawar da sojoji za su taka a ranar zabe, sai ya amsa da cewa tsarin da aka sani shi ne, ba hakkin sojoji ba ne kula da tsaro a rumfunan zabe, amma ya danganta da gayyatar da suka samu daga 'yan sanda.

Ya ce hukumar INEC na aiki ne da hukumar 'yan sanda amma idan suna fuskantar wata barazana suna iya gayyato sauran jami'an tsaro da suka hada da sojoji domin su taimaka."Sojoji na iya yin aikin da ya rataya a wuyan 'yan sanda a wurin zabe idan har 'yan sandan sun gayyace su."

"Ya danganta da barazanar da ta taso amma aikin tabbatar da tsaro a rumfunan zabe aikin 'yan sanda ne," in ji shugaban hukumar INEC.

Wannan na zuwa ne bayan babban hafsan sojin kasa na Najeriya Janar Tukur Buratai, a ranar Laraba ya bayyana rawar da sojoji za su taka a ranar zabe.

Yayin da yake gana wa da manyan jami'ai da kwamandojin sojin kasar, Janar Burutai ya yi umurni ga kwamandojinsa su dauki mataki na ba sani ba sabo kan duk wanda ya nemi dagula sha'anin zabe a kasar.

Ya ce rundunar sojin kasar ta dauki mataki kan satar akwati da kayayyakin zabe da aka saba yi a zabukan baya.

Tun da farko shugaban Najeriya Muhammadu Buhari ya yi gargadi ga barayin akwatin zabe inda ya umurci jami'an tsaron kasar daukar matakin ba sani ba sabo na rashin tausayi ga duk barawon akwatin zaben da suka kama.
BBChausa.

Teema Makamashi ta yadda tafiyar Atiku ta koma goyon bayan Buhari

Ibrahim Auwal | February 21, 2019 | 0 Comments


Tauraruwar fina-finan Hausa, Teema Makamashi wadda ada tana gaba-gaba wajan tallata dan takarar shugaban kasa na jam'iyyar PDP, Atiku Abubakar, yanzu ta yadda tafiyar Atikun ta koma goyon bayan shugaban kasa, Muhammadu Buhari.

Dama dai tuni Teemar ta saki sakon cewa zata fitar da labari me daukar hankali.




Ali Nuhu ya haskaka a wadannan hotunan

Ibrahim Auwal | February 21, 2019 | 0 Comments
Tauraron fina-finan Hausa, Ali Nuhu, Sarki kenan a wadannan hotunan nashi da ya haskaka, muna mai fatan Alheri.




Waye ya fi amfana da dage zaben 2019? Atiku Ko Buhari

Ibrahim Auwal | February 21, 2019 | 0 Comments
Adhoc ObserversHakkin mallakar hotoAFP
Najeriya za ta gudanar da babban zabenta a ranar Asabar bayan dage zaben da aka yi lokacin wani taron manema labarai da shugaban hukumar ya jagoranta.
Dage zaben kwatsam a dare daya ya bai wa 'yan kasar mamaki kuma hakan ya kawo takura ga dubban 'yan Najeriyar musamman wadanda suka sha doguwar tafiya domin kada kuri'arsu.
Cibiyar masana'antu da kasuwanci ta Legas ta ce hakan ya jawo asarar dalar Amurka biliyan 1 da dubu dari biyar.
Hukumar zaben kasar ta kawo dalilai da dama da suka yi sanadiyyar dage zaben wadanda suka hada da zargin makarkashiya da aka yi musamman ta bangaren jigilar kayyayakin zaben da kuma matsalar yanayi da ya hana jirgin sama tashi domin kai takardun zabe.Jam'iyyar APC mai mulki a Najeriyar da kuma babbar jam'iyyar adawa ta PDP duk sun nuna rashin jin dadinsu dangane da dage zaben kuma jam'iyyun sun zargin junansu da kokarin tafka magudin zabe.

Akwai jam'iyyar da dage zaben zai fi zama alheri a gareta?

A sanarwar da aka fitar ranar dage zaben, jam'iyyar APC ta zargi PDP da kokarin dakushe kwarjinin dan takararta Muhammadu Buhari.
A dayan bangaren jam'iyyar PDP wacce dan takararta shi ne Atiku Abubakar ta zargi cewa hukumar zaben ta jinkirta zaben ne domin bayar da dama domin tafka magudin zabe.
Wata mai fashin baki a kan al'amuran yau da kullum Idayat Hassan da ke cibiyar dimokradiyya da ci gaba a Abuja ta bayyana cewa jinkirta zaben da mako guda ba zai yi wani tasiri wajen gudanar da magudin zabe.
President Muhammadu Buhari and Atiku AbubakarHakkin mallakar hotoREUTERS
Ta kwatanta dage zaben da aka yi a yanzu da kuma na 2015 a lokacin mulkin PDP inda suka dage zaben da kusan mako shida saboda zargin da suke yi na hare-haren Boko Haram a arewa maso gabashin kasar.
Wancan dage zaben ta bayyana cewa ya zama alheri ga APC inda hakan ya jawo wa PDP bakin jini a matsayin jam'iyyar da ke neman mulki ko ta wane hali.
Amma ta nuna cewa dagen zaben zai iya zama alheri ga APC ma a wannan lokaci saboda za a iya samun karancin fitowar mutane, amma za a iya samun fitowar mutane da dama a wuraren da tun asali ana samun tururuwar fitowar mutane a ranar zabe,
Misali yankin arewa maso yamma da arewa maso gabas kuma nan ne Buhari ya fi yawan magoya baya.

Shugaba Buhari ya amshi bakuncin wakilan Sarkin Saudiyya

Ibrahim Auwal | February 21, 2019 | 0 Comments
Shugaban kasa, Muhammadu Buhari ya amshi bakuncin wakilan sarkin kasar Saudiyya, Sarki Salman Bin Abdulaziz jiya a fadarshi ta Villa dake babban birnin tarayya, Abuja.


Kyawawan Hotunan Maryam Yahya

Ibrahim Auwal | February 17, 2019 | 0 Comments
Kyawawan Hotunan Maryam Yahya
Jarumar fina-finan Hausa, Maryam Yahaya kenan a wadannan hotunan nata da ta haskaka, tasha kyau, tubarkallah, muna mata fatan Alheri.  
                       


 
Support : Creating Website | Johny Template | Mas Template
Copyright © 2011. Arewa Now - All Rights Reserved
Template Modify by Creating Website
Proudly powered by Blogger